قبل ما تاخذ أي خطوة في قضيتك…
اعرف موقفك أول
احكِ لنا وش صار، ويدرس قاضي برو قضيتك على الأنظمة السعودية وأكثر من 100 ألف حكم قضائي — والدراسة المبدئية مجاناً.
- النتيجة
خلال دقائق - بسرية
تامة - بدون
تسجيل
كيف يعمل
تسجيل من داخل التطبيق لقضية عمالية تجريبية: من أول ما يحكي صاحبها قصته، إلى تحليلها.
- 1
احكِ وش صار
بصوتك أو بالكتابة، بكلامك العادي. نسألك كم سؤال لين نفهم مين الطرف الثاني ووين وصلت القضية.
- 2
ارفع أوراقك إن وجدت
عقد، قرار، رسائل واتساب، صك حكم — صورة بالجوال تكفي. وإذا ما عندك شي، نحلّل على قصتك.
- 3
اقرأ التحليل
يجهز عادةً خلال 15 إلى 20 دقيقة. ما يلزم تنتظر في الصفحة؛ نرسل لك رسالة على واتساب أول ما يجهز.
وش فيه التحليل
نفس الأقسام اللي بتشوفها في قضيتك. والحجج مربوطة بالمواد النظامية والأحكام السابقة اللي تسندها، عشان تقدر ترجع لها.
- التنبؤ القضائي
- توقّع نتيجة القضية ونسبته، ووش يقوّي موقفك ووش يضعفه.
- الوقائع والجدول الزمني
- وقائع قصتك ومستنداتك مرتبة بالتواريخ، ومين قال وش.
- حججك وأسانيدها
- كل حجة في صالحك مع المادة النظامية والأحكام السابقة اللي تسندها.
- الطرف المقابل
- وش متوقع يقول خصمك، وكيف ترد عليه.
- المستندات الناقصة
- وش الأوراق اللي لو جبتها تقوّي قضيتك، ووش خطوتك الجاية.
مع محاميك، مو بداله
كثير من الناس يدفعون استشارة عشان يعرفون هل لهم حق أصلاً. ابدأ بالتحليل، وإذا قررت تمشي في القضية تروح للمحامي وأنت فاهم موقفك.
شاركه مع محاميك
رابط للقراءة فقط برمز دخول، يبدأ منه المحامي بدل ما يسمع القصة من الصفر. تلغيه متى ما بغيت.
ما عندك محامي؟
اطلب من داخل قضيتك، ونتواصل معك إذا لقينا محامياً مناسباً في منطقتك. بدون أي التزام.
الأسعار
بدون اشتراك. تدفع للقضية اللي تحتاجها، مرة وحدة.
التقرير الكامل
450ريال للقضية
- قراءة التحليل بدون حد زمني
- اسأل عن قضيتك: ناقش التحليل واسأل عن أي نقطة
- كتابة المذكرات مربوطة بملفك
- تنزيل التقرير PDF أو Word
- النص الكامل للأحكام اللي اعتمد عليها التحليل
- إعادة التحليل إذا جتك مستندات جديدة
تدفع بعد ما تشوف تحليلك، إذا احتجت.
قضيتك تخصك
- داخل المملكة: ملفاتك تُخزن وتُعالج على خوادم داخل المملكة العربية السعودية.
- مشفّرة: أثناء النقل وأثناء التخزين، وكل حساب معزول عن غيره.
- ما تُستخدم للتدريب: مستنداتك ما تُستخدم لتدريب أي نموذج ذكاء اصطناعي، وما نشاركها مع أحد.
- التفاصيل الكاملة للأمان والخصوصية
أسئلة
كم ياخذ التحليل؟
عادةً 15 إلى 20 دقيقة بعد ما تكمّل ملفك. تقدر تقفل الصفحة؛ نرسل لك رسالة على واتساب أول ما يجهز.
هل هو مجاني فعلاً؟
الدراسة المبدئية مجانية وبدون بطاقة. التقرير الكامل 450 ريال للقضية، دفعة واحدة.
على وش يعتمد التحليل؟
على وقائعك ومستنداتك، ويبحث في الأنظمة واللوائح السعودية وفي أكثر من 100 ألف حكم قضائي منشور. ويذكر لك المواد والأحكام اللي اعتمد عليها، عشان تتحقق منها بنفسك أو مع محاميك.
هل التحليل مضمون؟
لا. هو تقدير مبني على المعلومات اللي عطيتنا، وممكن يخطئ إذا كانت ناقصة. استخدمه عشان تفهم موقفك وتسأل الأسئلة الصح — وراجعه مع محامٍ قبل أي قرار كبير.
هل يغنيني عن المحامي؟
في بعض القضايا تقدر تتابع بنفسك عبر ناجز، وفي قضايا ثانية تحتاج محامي. التحليل يوضح لك وين تقف قبل ما تدفع أتعاب، ولو احتجت محامي تشاركه التحليل برابط، أو تطلب منا نوصلك بمحامٍ في منطقتك.
مين يقدر يشوف قضيتي؟
أنت فقط. ما نشارك قضيتك مع أحد، ولا نستخدم مستنداتك لتدريب أي نموذج. إذا بغيت تشاركها مع محامٍ، تسوي رابط برمز دخول وتقدر تلغيه متى ما بغيت.